Deskrivañ un dudenn, hag e/he zemz-spered
N'haller ket ober hep deskrivañ pa skriver. Pouezus-kenañ eo evit kas al lenner ganeoc'h en ho ped!
Deskrivañ un dudenn, deskrivañ ul lec'h, ur gweledva. N'int ket traoù anat ha ret eo pleustriñ evit dont a-benn da lakaat al lenner da gompren pelec'h emañ an tudennoù da skouer hep dont da vezañ re bounner.
Setu ma kinnigomp deoc'h da zeskrivañ un den evit kregiñ, o kemer harp gant ar skeudenn amañ dindan. Ar boelladennoù-mañ a rank bezañ graet war ur bajennad d'ar muiañ.
Un nebeud alioù:
- Deskrivañ un den a zo kelaouiñ al lenner war piv eo an den-se. E neuz, evel-just, met ivez e rummad sokial da skouer.
- A-drugarez d'an deskrivadur-se e c'hall al lenner kompren temz-spered an den, met gallout a ra ivez reiñ titouroù war demz-spered "an hini a wel".
- Re a anvioù-gwan a zo pounner. Chomit war dresoù heverk an den. Ar munudoù a vo ar re a ziskoacho traoù ouzhpenn neuz an den.
- Klaskit meskañ an "deskrivadur-korf" hag an "deskrivadur-spered".
Commentaires
Brav-tre!
skrivAdmin mer 06/03/2024 - 08:51
Brav-tre!
Ouzhpennañ un evezhiadenn
(Bezit seven hag hegarat. Goulenn a reomp ganeoc'h bezañ doujus ouzh ar re a skriv ar pennadoù, kement hag ouzh ar re a embann evezhiadennoù. Ne vo ket aotreet evezhiadennoù tagus pe gasonius, nag al lavaroù gwennelour pe c'hoazh an harellerezh. Trugarez da chom hep brudañ produioù amañ. Brudañ darvoudoù e liamm gant ar brezhoneg a c'haller ober avat. Merourien ar blog-mañ a c'hallfe kemer an diviz tennañ un evezhiadenn ma ne vefe ket doujet ouzh ar reolennoù anat-mañ.)